काठमाडाैं । विदेश भ्रमणमा रहनुभएका राष्ट्रपति रामचन्द्र पौडेल आज स्वदेश फर्कँदै हुनुहुन्छ ।
स्वीट्जरल्याण्ड र जर्मनीको भ्रमण सकेर राष्ट्रपति पाैडेल आज स्वदेश फर्कन लाग्नुभएकाे हाे । उहाँ जर्मनीको वर्लिनबाट कतारको दोहा हुँदै बिहान १० बजे काठमाडौं आइपुग्ने कार्यक्रम रहेकाे परराष्ट्र मन्त्रालयले जनाएकाे छ ।
राष्ट्रपति पौडेललाई वर्लिन ब्रान्डेनवर्ग अन्तर्राष्ट्रिय विमानस्थलमा जर्मनका लागि नेपालका राजदूत रामकाजी खड्का तथा जर्मन सरकारका उच्च अधिकारीले बिदाइ गर्नुभएकाे राष्ट्रपतिकाे सचिवालयले जनाएकाे छ ।
राष्ट्रपति पौडेल स्वीट्जरल्याण्ड र जर्मनी भ्रमणका लागि जेठ २९ गते साँझ त्यसतर्फ प्रस्थान गर्नुभएकाे थियाे ।
