आइसीसी टी–२० विश्वकप अन्तर्गत सुपर आठका खेल आजदेखि

काठमाडौं । आइसीसी टी–२० विश्वकप क्रिकेट अन्तर्गत सुपर आठका खेल आजदेखि सुरु हुँदै छन् ।

अमेरिका र वेस्टइन्डिजले आयोजना गरेको विश्वकप अन्तर्गत सुपर आठदेखि सेमिफाइनल र फाइनल खेल वेस्टइन्डिजमा मात्रै हुने छन् । समूह चरणका केही खेलहरू अमेरिकामा भएका थिए ।

बुधवार पहिलो सुपर आठको खेल दक्षिण अफ्रिका र अमेरिकाले खेल्ने छन् । समूह चरणमा दक्षिण अफ्रिका समूह डीको विजेता हो । अमेरिका समूह एको उपविजेता हो । सुपर आठको खेल नेपाली समय अनुसार राति ८ः१५ बजेदेखि सर भीभीएन रिचार्ड्स स्टेडियममा हुने छ ।