काठमाडौं । नेपाल प्रहरीले संगठनका सम्बन्धमा जथाभावी आधारहीन समाचारहरु प्रकाशन गरेको भन्दै आपत्ति जनाएको छ ।
यस्ता आधारहिन समाचार प्रकाशनले संगठनमा आबद्ध, विश्वास राख्ने प्रहरी कर्मचारी मात्र नभई सत्य, सुरक्षा, सेवा र न्यायका लागि नेपाल प्रहरीलाई विश्वास गर्ने आम नागरिकमा समेत नकारात्मक संदेश प्रवाह हुन सक्ने भनेर प्रहरीले विज्ञप्ति जारी गरि आपत्ति जनाएको छ ।
मर्यादालाई कायम गर्दै संगठनले सम्पादन गर्ने कार्यहरुको बारेमा सत्यतथ्यसहितका सकारात्मक समाचार प्रवाहका लागि अपिल गरेको छ ।
विज्ञप्तिमा लेखिएको छ, ‘समाचार प्रकाशन गर्दा तथ्य र स्रोतमा आधारित रही, आधिकारिकता र कानुनी दायरालाई मध्यनजर राख्दै, राष्ट्रिय तथा अन्तर्राष्ट्रिय अभ्यास एवम् मर्यादालाई कायम गर्दै नेपाल प्रहरी संगठन र यसले सम्पादन गर्ने कार्यहरुको बारेमा नागरिकलाई सत्य तथ्य सहितका सकारात्मक समाचार प्रवाह गरिदिनुहुन सरोकारवाला सम्पूर्णमा हार्दिक अनुरोध गरिएको छ ।’
