काठमाडौं । नेपाल पत्रकार महासंघको २७औं महाधिवेशनको चुनाव अन्तिम समयमा स्थगित भएको छ ।
शनिबारका लागि तोकिएकाे चुनावमा मतदान नहुने अध्यक्ष विपुल पोखरेलले शुक्रबार विज्ञप्तिमार्फत जानकारी दिनुभएकाे छ ।
मतदाता नामावलीमा देखिएको विवाद समाधानका लागि प्रयास जारी रहेकाले आगामी असार दोस्रो साताभित्रै मतदान गर्नेगरी अध्यक्ष मण्डलसँगको परामर्शमा अर्को मिति तय हुने विज्ञप्तिमा उल्लेख छ ।
निर्वाचन समिति गठन गर्न बाँकी शाखा समिति, एसोसिएट संस्था र प्रदेश समितिलाई यथाशीघ्र निर्वाचन समिति गठन गरेर निर्वाचन समितिलाई जानकारी गराउनका लागि अध्यक्ष पाेखरेलले आग्रह गर्नुभएकाे छ ।
