काठमाडाैं । मकवानपुरको बकैया गाउँपालिकामा कार दुर्घटना हुँदा २ जनाको ज्यान गएकाे छ ।
शनिबार बिहान बकैया-१२ चौतारास्थित कान्ति लोकपथमा ग३च ९४७५ नम्बरको कार दुर्घटना हुँदा दुई जनाकाे ज्यान गएकाे जिल्ला प्रहरी कार्यालय मकवानपुरले जनाएकाे छ । ज्यान गुमाउनेमा बकैया-१२ का ६५ वर्षीय प्रेमबहादुर ब्लोन र रौतहटको मौलापुर नगरपालिका-६ का १७ वर्षीय विवेक साह छन् ।
दुर्घटनामा बाराको निजगढ नगरपालिका-६ का ३० वर्षीय सन्दीप साह गम्भीर घाइते भएका छन् । उनको उपचार भइरहेकाे प्रहरीले जनाएकाे छ ।
ललितपुरबाट हेटौंडाका लागि छुटेको कार दुर्घटनामा परेकाे हाे ।
