काठमाडाैं । राष्ट्रिय सभाका अध्यक्ष गणेशप्रसाद तिमिल्सिनासहित २० सांसद्को पदावधि आज सकिदैछ ।
०७४ सालमा निर्वाचित भएर ६ वर्ष कार्यकाल पूरा गरेका २० सदस्यहरुकाे पदावधि आज सकिन लागेकाे हाे । पदावधि सकिएसँगै उनीहरू आजदेखि बिदा हुनेछन् ।
पदावधि सकिनेमा अध्यक्ष तिमिल्सिनासहित एमालेका ८, नेपाली कांग्रेसका ४, नेकपा माओवादी केन्द्रका ३, नेकपा एकीकृत समाजवादीका २, जसपाका १, स्वतन्त्र सांसद् १ र राष्ट्रपतिबाट मनोनित १ जना रहेका छन्।
उनीहरूको ठाउँमा माघ ११ मा भएको राष्ट्रिय सभा सदस्य चुनावबाट १९ सदस्य निर्वाचित भइसकेका छन् । भोलि उनीहरूको शपथ कार्यक्रम राखिएको छ । १ जना सदस्य भने मन्त्रिपरिषद्को सिफारिसमा राष्ट्रपतिले नियुक्त गर्नुहुनेछ ।
