काठमाडौं । प्रधानमन्त्री पुष्पकमल दाहाल प्रचण्डले विशेष आर्थिक क्षेत्र प्राधिकरण (सेज) नेपालको अवलोकन भ्रमण गर्नुभएको छ ।
प्रधानमन्त्रीले सेजको विकास र सञ्चालनको पछिल्लो अवस्थाको बारेमा जानकारी लिनु भएको छ । सो क्रममा प्रधानमन्त्री दाहालले सेज निर्माण र सञ्चालनको बारेमा जानकारी लिनुभएकाे थियो ।
प्रधानमन्त्रीलाई सेजको माध्यमाबाट विश्वव्यापी रूपमा बढ्दै गएको निर्यात प्रवर्धन तथा व्यापार घाटा न्यूनीकरण र रोजगारी सिर्जनामा प्राधिकरणले गरेको कामको बारेमा प्रधानमन्त्रीलाई जानकारी गराइएको थियो ।
दाहाललाई अल्पविकसित देशहरूले आर्थिक समृद्धि र आत्मनिर्भर अर्थतन्त्र निर्माणमा गरेका उपलब्धिको विषयमा समेत जानकारी गराइएको थियो ।
प्रधानमन्त्री दाहालले सिमरा सेज सञ्चालनमा आएकोमा खुसी व्यक्त गर्नुभयो । उहाँले ऐनमा भएका अप्ठेरालाई सहजीकरण गरिने प्रतिबद्धता व्यक्त गर्नुभयो ।
