काठमाडौं । नेपाल बीमा प्राधिकरणमा जागिर खुलेकाे छ ।
प्राधिकरणले उपनिर्देशक, सहायक निर्देशक, सहायक प्रथम लगायत पदका लागि ३६ जना कर्मचारी मागेको हो । खुला तथा समावेशी प्रतियोगितात्मक लिखित परीक्षामार्फत स्थायी पदपूर्तिका लागि प्राधिकरणले शुक्रबार सूचनामार्फत आवेदन आह्वान गरेको हो ।
योग्यता पुगेका उमेदवारहरूले पुस २४ गतेसम्म आवेदन दिनसक्नेछन् । अनलाइनमार्फत आवेदन दिन सकिने पनि प्राधिकरणले जनाएको छ ।
नेपाल बीमा समिति ०७९ कात्तिक २२ गते नेपाल बीमा प्राधिकरणमा रुपान्तरण भएकाे थियाे । नेपाल सरकारले ल्याएको नयाँ बीमा ऐन, २०७९ कात्तिक २२ बाट कार्यान्वयनमा आएसँगै समितिको सम्पूर्ण कामकारबाही प्राधिकरणमा रूपान्तरण भएको हो ।
बीमा विधेयक असोज २२ गते राष्ट्रपति विद्यादेवी भण्डारीबाट प्रमाणीकरण भएको थियो ।
