काठमाडौं । मिना विश्वकर्मा राइजिङ सन खबरको प्रदेश एक सम्पादक नियुक्त हुनुभएको छ ।
राइजिङ सन खबर प्रालिले उहाँलाई नियुक्त गर्ने निर्णय गरेको हो ।
डेढ दशकदेखि सञ्चारकर्ममा संलग्न मिनाले झापा दमकको सप्तरंगी एफएमबाट सञ्चार क्षेत्रमा प्रवेश गर्नुभएको थियो । त्यसपछि दमककै रेडियो हिमशिखर, स्टार एफएम तथा विभिन्न अनलाइन मिडियामा काम गर्नुभएको थियो ।
राजनीतिमा पनि संलग्न मिनाले राजनीतिक विषयवस्तुका साथै पीडित महिला तथा शोषित पीडित समुदायको पक्षमा कलम चलाउँदै आउनुभएको छ ।
