काठमाडाैं । नेकपा एमालेका अध्यक्ष केपी शर्मा ओलीले सर्वसाधारणसँग टेलिफाेन संवाद गर्नुभएकाे छ ।
नम्बर टिपाएका सर्वसाधारणमध्ये गोला तानेर परेका नम्बरमा फोन गरेर अध्यक्ष ओलीले प्रत्यक्ष कुराकानी गर्नुभएकाे हाे । अध्यक्ष ओलीले पार्टी केन्द्रीय कार्यालय च्यासलबाट सर्वसाधारणसँग कुराकानी गर्नुभएकाे उहाँकाे सचिवालयले जनाएकाे छ ।
सर्वसाधारणसँग करिब ४ घण्टा कुरा भएकाे र कुराकानीले आफू उत्साहित भएकाे अध्यक्ष ओलीले सामाजिक सञ्जाल फेसबुकमा उल्लेख गर्नुभएकाे छ ।
नाम टिपाएका सबैसँथ क्रमश: कुराकानी गर्दै जाने उल्लेख गर्दै उहाँले लेख्नुभएकाे छ - 'कल केपी बा कार्यक्रममा मैले करिब चार घन्टा टेलिफोन संवाद गरेँ, तपाईंहरुसँग भएका कुराकानीले म उत्साहित छ, दुई लाख ९ हजार एकसय १६ जनाले नाम टिपाउनु भएकाले मैले सबैसँग कुरा गर्न पाइनँ, म क्रमैसँग कुरा गर्दै जानेछु ।'
मंसिर ४ गते हुने प्रतिनिधि सभा र प्रदेश सभा चुनाव, घाेषणापत्रमा समेट्नुपर्ने विषय, युवाका मुद्दा लगायत समसामयिक विषयमा उहाँले कुराकानी गर्नुभएकाे सचिवालयले जनाएकाे छ ।
