काठमाडाैं । नेकपा एमालेको केन्द्रीय कमिटीमा मनोनीत सदस्यहरुले पद तथा गोपनियताको सपथ लिएका छन् ।
ललितपुरकाे च्यासलस्थित तुल्सीलाल स्मृति प्रतिष्ठानमा आयोजित एक कार्यक्रमबीच पार्टी अध्यक्ष केपी शर्मा ओलीले केन्द्रीय कमिटीमा मनोनित ४४ जना सदस्यहरुलाई पद तथा गाेपनियताकाे शपथ खुवाउनुभएकाे हाे ।
एमाले प्रचार विभाग उपप्रमुख विष्णु रिजालका अनुसार ४४ मध्ये ७ जना यसअघि नै केन्द्रीय कमिटीमा रहिसकेका नेता हुन् भने ३७ जना नयाँ हुन् ।
मंसिर २६ गते भक्तपुरमा सम्पन्न एमाले केन्द्रीय कमिटीको दोस्रो पूर्ण बैठकले ४४ जनालाई केन्द्रीय कमिटीमा मनोनीत गर्ने निर्णय गरेकाे थियाे ।
