काठमाडाैं । नेकपा एमालेको दोस्रो केन्द्रीय कमिटी बैठक आज एक बजेका लागि सरेकाे छ ।
भक्तपुरको गट्ठाघरस्थित जर्मन होममा बिहान ११ बजेदेखि सुरु हुने भनिएकाे बैठक एक बजेका लागि सरेकाे एमाले केन्द्रीय कार्यालय सचिव शेरबहादुर तामाङले राइजिङ सन जखबरलाई बताउँनुभयाे । बैठकमा विभिन्न १५ वटा एजेण्डामाथि छलफल हुनेछ । बैठक भाेलिसम्म चल्नेछ ।
तामाङका अनुसार बैठकमा केन्द्रीय सदस्यहरुकाे शपथग्रहण,महाधिवेशनकाे सामान्य समीक्षा,केन्द्रीय कमिटीमा सदस्यहरुकाे मनाेनयन, पोलिटब्यूरो गठन, स्थायी कमिटी गठन लगायत एजेण्डामा छलफल हुनेछ ।
यही मंसिर १० देखि १४ गतेसम्म चितवनमा भएकाे एमालेको दशाैं राष्ट्रिय महाधिवेशनले अध्यक्ष केपी शर्मा ओलीको नेतृत्वमा ३ सय १ सदस्यीय केन्द्रीय कमिटी चयन गरेकाे थियाे । नवनिर्वाचित कमिटीकाे पहिलाे बैठक मंसिर १४ मा साैराहामा बसेकाे थियाे ।
