काठमाडाैं । नेकपा एमालेकाे स्थायी कमिटी बैठक आज पनि बस्दैछ ।
बैठक ललितपुरकाे च्यासलस्थित तुल्सीलाल स्मृति प्रतिष्ठानमा दिउँसाे २ बजे बस्न लागेकाे हाे । बैठकमा पार्टीकाे दशाैं राष्ट्रिय महाधिवेशन लगायत ५ एजेण्डामाथि छलफल हुनेछ ।
बैठकका लागि विधान महाधिवेशनकाे समीक्षा, कात्तिक ६ गते हुने वडा अधिवेशन तथा कात्तिक ९ गते देशभरका पालिकामा हुने पालिका अधिवेशन, पार्टीको राष्ट्रिय महाधिवेशन अविरल वर्षाका कारण भएको जनधनको क्षति लगायत एजेण्डा ताेकिएकाे छ ।
यसअघि बिहीबार बसेकाे बैठकले पार्टीकाे १० औं महाधिवेशन चितवनमा गर्ने निर्णय गरेकाे थियाे । त्यसका लागि स्थायी कमिटी सदस्य रामबहादुर थापाको संयोजकत्वमा २१ सदस्यीय मूल व्यवस्थापन समिति गठन गरिएको छ ।
