काठमाडाैं । माओवादी केन्द्रको केन्द्रीय समिति बैठक आज बस्दैछ ।
पार्टी केन्द्रीय कार्यालय पेरिसडाँडामा बिहान ११ बस्ने बैठकमा अध्यक्ष पुष्पकमल दाहाल ‘प्रचण्ड’ले राजनीतिक प्रतिवेदन एवं सांगठनिक प्रतिवेदन पेस गर्नुहुनेछ । प्रवक्ता नारायणकाजी श्रेष्ठका अनुसार शुक्रबार बसेकाे स्थायी कमिटी बैठकले साे निर्णय गरेकाे थियाे । बैठकमा पार्टी विधान संशोधन लगायत विषयमा पनि छलफल हुनेछ ।
शुक्रबारकाे बैठकमा अध्यक्ष प्रचण्डले सरकारलाई सफल बनाउने गरी परिचालित हुन पार्टीका नेता तथा कार्यकर्तालाई निर्देशन दिनुभएकाे थियाे । आजकाे बैठकमा सरकार सञ्चालन र मन्त्रिमण्डल विस्तारबारे पनि छलफल हुन सक्ने बताइएकाे छ । माऔवादीले सरकारमा सहभागी हुने मन्त्रीकाे नाम टुंगाे लगाउन सकेकाे छैन ।
