काठमाडौं । नेकपा एमालेकाे स्थायी कमिटी बैठक केहीबेर बसेर सकिएकाे छ ।
बैठककाे सुरुमै पार्टी एकताका लागि भइरहेकाे प्रगतिबारे जानकारी गराएपछि भाेलि बस्नेगरी बैठक स्थगित गरिएकाे एमाले संसदीय दलका उपनेता सुवासचन्द्र नेम्वाङले जानकारी दिनुभयाे । विघटित कार्यदलको प्रगति विवरण आफूले बैठकमा सुनाएकाे नेम्वाङले जानकारी दिनुभयाे ।
बैठककाे सुरुमा आफूले वार्ता सकारात्मक भइरहेको जानकारी गराएपछि पार्टी अध्यक्ष केपी शर्मा ओलीले भोलि ३ बजे बसौं भनेपछि बैठक स्थगित गरिएको पनि नेम्वाङले बताउनुभयाे । उहाँका अनुसार एमालेकाे संस्थापन र माधव गुटका नेताहरुबीच आज भएकाे छलफलबारे पनि बैठकमा जानकारी गराइएकाे थियाे ।
आजकाे बैठक एजेण्डामै प्रवेश नगरी सकिएकाे उहाँले बताउनुभयाे ।
