काठमाडाैं । नेपालमा थप २ हजार २ सय ३७ जनामा कोभिड-१९ संक्रमण पुष्टि भएकाे छ ।
गत २४ घण्टामा देशभर १० हजार ५ सय ६९ जनाको पीसीआर र ३ हजार २ सय ६५ जनाको एन्टिजेन परीक्षण गर्दा २ हजार २ सय ३७ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
योसँगै नेपालमा काेभिड संक्रमितकाे संख्या ७ लाख ३४ हजार ७ सय ९९ पुगेको मन्त्रालयले बिहीबार सार्वजनिक गरेकाे तथ्यांकमा उल्लेख छ । गत २४ घण्टामा २ हजार ५० जना काेभिडमुक्त भएका छन् । याेसँगै नेपालमा कोभिडमुक्त हुनेको संख्या ६ लाख ४३ हजार ६ सय १५ पुगेको छ ।
गत २४ घण्टामा थप १८ जना संक्रमितकाे ज्यान गएको छ । योसँगै नेपालमा काेभिडबाट ज्यान गुमाउनेको संख्या ९ हजार ७ सय १३ पुगेको छ । अहिले नेपालमा २७ हजार २ सय २८ जना सक्रिय संक्रमित छन् ।
