काठमाडाैं । प्रधानमन्त्री शेरबहादुर देउवा र जनता समाजवादी पार्टी(जसपा) का अध्यक्ष महन्थ ठाकुरबीच भेटवार्ता भएकाे छ ।
उहाँहरुबीच प्रधानमन्त्री निवास बालुवाटारमा बुधबार बिहान भेटवार्ता भएकाे हाे । प्रधानमन्त्री देउवालाई भेट्न जसपा अध्यक्ष ठाकुर बालुवाटार पुग्नुभएकाे थियाे । देउवा र ठाकुरबीच जसपाले उठाउँदै आएका मागलगायत विषयमा छलफल भएको बताइएकाे छ ।
विश्वासकाे मत दिनुअघि गरेकाे प्रतिबद्धता पूरा गर्न माग गर्दै जसपाको ठाकुर पक्षले प्रधानमन्त्री देउवालाई मंगलबार ८ बुँदे मागपत्र बुझाइसकेकाे छ । मंगलबार बसेकाे ठाकुर पक्षकाे जसपा केन्द्रीय कार्यकारिणी समितिकाे बैठकले रेशम चौधरीलाई रिहाइ गर्नुपर्ने लगायत माग राखेकाे हाे ।
देउवा र ठाकुरबीच सरकारमा सहभागिताका विषयमा पनि छलफल भएकाे ठाकुर पक्षका एक नेताले बताए ।
