काठमाडाैं । नेकपा एमालेकाे केन्द्रीय कमिटी बैठक आज पनि बस्दैछ ।
ललितपुरकाे च्यासलस्थित तुल्सीलाल स्मृति प्रतिष्ठानमा दिउँसाे ३ बजे बस्ने बैठकमा पार्टीकाे सांगठनिक संरचना,देशकाे पछिल्लाे राजनीतिक घटनाक्रम लगायत विषयमा छलफल हुने एमाले केन्द्रीय कार्यालयका सचिव शेरबहादुर तामाङले जानकारी दिनुभयाे । बैठक साेमबारदेखि सुरु भएकाे हाे ।
साेमबार बसेकाे बैठकले पार्टी एकताका लागि विघठित कार्यदलले तयार पारेकाे १० बुँदे सहमति अनुमाेदन गर्दै कार्यान्वयन गर्ने र शेरबहादुर देउवालाई विश्वासकाे मत दिने २२ सांसद्लाई स्पष्टिकरण साेध्ने निर्णय गरेकाे थियाे । विपक्षी गठबन्धनबाट प्रधानमन्त्री बनेका देउवालाई पार्टी निर्णय विपरित विश्वासकाे मत दिनु अनैतिक र अनुशासनहीन कदम भएकाे बैठकले ठहर गरेकाे थियाे ।
