काठमाडाैं । नेकपा एमालेकाे भ्रातृ संगठन राष्ट्रिय युवा संघ नेपालले आज काठमाडाैंमा प्रदर्शन गर्ने भएकाे छ ।
युवा संघले आज दिउँसाे ३ बजे काठमाडाैंकाे नयाँ बानेश्वरमा विपक्षी गठबन्धन विरुद्ध प्रदर्शन गर्न लागेकाे हाे ।
वर्तमान सरकार र एमाले विरुद्धकाे घेराबन्दी तथा गठबन्धनकाे असंवैधानिक राष्ट्रघाती कदम विरुद्ध प्रदर्शन गर्न लागिएकाे युवा संघले जनाएकाे छ ।
विपक्षी गठबन्धनले गलत नियत साथ सरकारविरुद्ध गतिविधी बढाएकाले खबरदारी गर्न भन्दै युवा संघले प्रदर्शन गर्न लागेकाे हाे । विपक्षी गठबन्धनका नाममा देशी विदेशी तत्वहरुले अस्थिरतालाई मलजल गर्नेगरी सडकमा प्रदर्शन थालेकोले त्यसको प्रतिवाद सडकबाटै गर्न लागिएकाे पनि युवा संघले जनाएकाे छ ।
