काठमाडौं । नारायणगढ-मुग्लिन सडक एकतर्फी खुलेकाे छ ।
चितवनकाे भरतपुर महानगरपालिका-२९ सेतीदोभानमा खसेको पहिरो पन्छाएसँगै आज बिहान साढे ५ बजेदेखि सडक एकतर्फी सञ्चालनमा आएको हाे । पहिराेका कारण राेकिएका सवारी साधन सडक खुलेसँगै गन्तव्यतर्फ लागेका जिल्ला प्रहरी कार्यालय चितवनले जनाएकाे छ ।
बुधबार राति १० बजे पहिराे खसेर अवरुद्ध भएकाे साे सडक बिहीबार केहीबेर खुलाइएकाे थियाे । तर एकछिनमै पहिराे खसेर सडक पुन: अवरुद्ध भएकाे थियाे ।
करिब एक साता यता साे सडकखण्डमा पटक-पटक पहिराे खसेर सडक अवरुद्ध हुँदै आएकाे छ ।
