काठमाडौं । नेकपा एमालेको विवाद समाधान कार्यदलकाे बैठक सकिएकाे छ ।
बैठकपछि पत्रकारहरुसँग संक्षिप्त प्रतिक्रिया दिँदै एमाले प्रवक्ता प्रदीप ज्ञवालीले बैठक निष्कर्ष उन्मुख रहेकाे जानकारी दिनुभयाे । विवाद समाधानउन्मुख रहेको बताउँदै उहाँले भन्नुभयाे - 'छलफल सकरात्मक भएकाे छ, भाेलिसम्म टुंग्याउनेगरी लाग्छाैं, अहिलेसम्मकाे छलफलकाे प्रगति हेर्दा भाेलिसम्म टुंगिने सम्भावना छ ।'
अहिलेसम्म कार्यदलका नेताहरुसँग परामर्श गर्ने र भावना बुझ्ने काम भएकाे पनि उहाँले बताउनुभयाे । प्रवक्ता ज्ञवालीका अनुसार सहमतिका आधार तय गर्नेबारे भाेलिसम्म छिनाेफानाे हुनेछ ।
पार्टीका शीर्ष र दोस्रो तहका नेताबीच भएको अनौपचारिक छलफललाई व्यवस्थित रुपमा सहमतिमा परिणत गर्न कार्यदल सक्रिय भएकाे हाे । यसअघि मंगलबार बसेकाे बैठकमा विषय केन्द्रित छलफल भएकाे थियाे । मंगलबारकाे बैठक सकारात्मक रहेकाे बैठकपछि नेताहरुले बताएका थिए । साेमबार पनि कार्यदलकाे बैठक बसेकाे थियाे ।
अध्यक्ष ओली र नेता नेपालबीचको सहमतिबाट १० सदस्यीय कार्यदल गठन भएको थियो । कार्यदलमा संस्थापनबाट सुवास नेम्वाङ, विष्णुप्रसाद पौडेल, प्रदीप ज्ञवाली, शंकर पोखरेल र विष्णुप्रसाद रिमाल हुनुहुन्छ । माधवकुमार नेपाल गुटबाट डा.भीमबहादुर रावल, घनश्याम भुसाल, सुरेन्द्रप्रसाद पाण्डे, गोकर्णराज विष्ट र रघुजी पन्त हुनुहुन्छ ।
