काठमाडाैं । माथिल्लो तामाकाेशी जलविद्युत आयोजनाले आजदेखि बिजुली उत्पादन थालेकाे छ
कुल ४ सय ५६ मेगावाट क्षमताको साे आयोजनाले पहिलो युनिटबाट ७६ मेगावाट बिजुली उत्पादन गर्न लागेको हो । बहुप्रतिक्षित राष्ट्रिय गौरवको आयोजनाका रुपमा रहेको माथिल्लो तामाकोशी आयाेजना स्वदेशी लगानीमा नै हालसम्मकै ठूलो आयोजना हो ।
प्रधानमन्त्री केपी शर्मा ओलीले आज भर्चुअल माध्यमबाट साे आयोजनाको उद्घाटन गर्नुभएकाे छ ।
माथिल्लो तामाकोशीको विद्युत् गृहबाट आएको २ सय २० केभी क्षमताको प्रसारण लाइनलाई न्यू खिम्तीमा रहेको सबस्टेशनमा जोडिएको छ ।
आयोजनाले यही असार मसान्तभित्रै १ सय ५२ मेगावाट बिजुली उत्पादन गर्नेछ ।
