काठमाडाैं । चितवनको राप्ती नगरपालिका-३ की २३ वर्षीया सुजिता भण्डारी मृत भेटिएकी छिन् ।
असार ११ गतेदेखि हराइरहेकी सुजिताकाे शव आइतबार साँझ राप्ती- ३ कै ब्रह्मस्थानी सामुदायिक वनमा शव फेला परेको जिल्ला प्रहरी कार्यालय चितवनले जनाएकाे छ । वनको बीचमा एउटा झाङमा अड्किएको अवस्थामा उनको शव फेला परेको हाे ।
स्थानीयले शव देखेपछि प्रहरीलाई खबर गरेका थिए । सुजिताकाे शव गलिसकेकाे अवस्थामा भेटिएकाे चितवनका प्रहरी नायव उपरीक्षक सूर्यबहादुर थापाले जानकारी दिनुभयाे । परिवारका सदस्यले नै शवकाे पहिचान गरेका थिए ।
थापाका अनुसार साेही दिन नै सुजिताले आफू अपहरणमा परेकाे भनेर परिवारका सदस्यलाई जानकारी दिएकी थिइन् । उनी अपहरणमा परेकाे भनेर उजुरी समेत परेकाे थियाे । वनको बीचमा एउटा झाङमा अड्किएको अवस्थामा उनको शव फेला परेको प्रहरीले जनाएको छ ।
उनकाे शव पाेस्टमार्टमका लागि भरतपुर अस्पताल लगिएकाे छ । घटनाबारे प्रहरीले अनुसन्धान थालिसकेकाे छ ।
