काठमाडौं । नेपाली कांग्रेसको समायोजन समिति बैठक आज बस्ने भएको छ । बैठक दिउँसो चार बजे केन्द्रीय कार्यालय सानेपामा बस्ने नेपाली कांग्रेसले जनाएको छ ।
बैठकमा सप्तरी, बारा, काठमाडौं, काभ्रे, रुपन्देही लगायतका जिल्लामा बाँकी रहेको पार्टी समायोजनको कामको बारेमा छलफल हुने छ ।
पार्टी उपसभापति विमलेन्द्र निधिको संयोजकत्वमा समायोजना समिति बनेको छ । अन्य पार्टीबाट कांग्रेसमा प्रवेश गरेकालाई क्रियाशील सदस्यता दिने विषयमा सो समितिले निर्णय गर्ने छ ।
राप्रपा लगायत अन्य पार्टीबाट कांग्रेसमा आएकाको समायोजनको काम अझै पूरा भएको छैन । राप्रपा नेता सुनिल थापा लगायतको टोली नेपाली कांग्रेसमा प्रवेश गरेको थियो । समायोजनको काम धेरै जिल्लामा सम्पन्न भए पनि केही जिल्लामा विवादको कारण काम पूरा हुन सकेको छैन ।
