काठमाडाैं । म्याग्दीमा जीप दुर्घटना हुँदा दुई जनाकाे ज्यान गएकाे छ ।
ग१ज ७६५२ नम्बरको जीप मंगला गाउँपालिका-२ स्थित मिठौलामा बुधवार राति दुर्घटना हुँदा दुई जनाको ज्यान गएको हाे ।
दुर्घटनामा परेर बेनी नगरपालिका-५ की २० वर्षीया सबिना भण्डारी र मंगला गाउँपालिका-१ का १३ वर्षीय बिमल विकको ज्यान गएको जिल्ला प्रहरी कार्यालय म्याग्दीका प्रहरी निरीक्षक विरेन्द्रराज गुरुङले जानकारी दिनुभयाे ।
दुर्घटनामा परेर पूर्णगाउँका २३ वर्षीय अनिल रसाईली, २५ वर्षीय सुदन आचार्य, ३६ वर्षीया अमृता राम्जाली, २६ वर्षीया एन्जिला भण्डारी, ८ वर्षीया एडिना नेपाली र ३५ वर्षीया गीता खत्री घाइते भएका छन् । घाइते सबैकाे बेनी अस्पतालमा उपचार भइरहेको उहाँले बताउनुभयाे ।
दुर्घटनाकाे कारण नखुलेकाे र यसबारे थप अनुसन्धान भइरहेकाे पनि उहाँले बताउनुभयाे ।
