साओ पाओलो । ब्राजिलमा कोभिड १९ बाट हुने ज्यान गुमाउनेकाे संख्या झन् बृद्धि भएको समाचारमा जनाइएको छ ।
कोभिडबाट यहाँ एकै दिनमा दुई हजारभन्दा बढीको ज्यान गएको यहाँका स्वास्थ्य अधिकारीहरुले बताएका छन् ।
यहाँका स्वास्थ्य अधिकारीहरुले दिएको समाचारअनुसार यहाँ मंगलबार मात्र २ हजार तीन सय ७८ जनाको कोभिडबाट निधन भएको हो । अघिल्लो दिन अर्थात् सोमबार मात्र ब्राजिलमा कोभिडबाट एक हजार जनाको मात्र ज्यान गएको थियो । तर त्यसको २४ घन्टापछि मंगलबार मात्र यहाँका २ हजार तीन सय ७८ जना संक्रमितको यस कोभिडको संक्रमणबाट ज्यान गएको यहाँको स्वास्थ्य मन्त्रालयका अधिकारीहरुले जानकारी दिएका छन् ।
योसँगै ब्राजिलमा अहिलेसम्ममा ज्यान जाने व्यक्तिको संख्या ४ लाख ७६ हजार सात सयभन्दा बढी पुगेको ब्राजिलका स्वास्थ्य अधिकारीहरुले जानकारी दिएका छन् । त्यसैगरी मंगलबार मात्र त्यस अघिको २४ घण्टामा ब्राजिलमा करिब ५३ हजार जना थप व्यक्तिमा कोरोना भाइरस संक्रमण देखिएको पनि जानकारी दिइएको छ ।
अघिल्लो दिनमात्र अर्थात् सोमबार यहाँका करिब ३७ हजार जनामा मात्र सङक्रमण देखिएकोमा त्यसमा बृद्धि भएको पनि बताइएको छ । यो संख्या सँगै ब्रालिजमा कूल संक्रमितको संख्या यहाँका १ करोड ७० लाख ३७ हजारभन्दा बढी पुगेको पनि यहाँका स्वास्थ्य क्षेत्रका अधिकारीहरुले जनाएका छन् ।
ब्राजिलमा पछिल्लो समयमा ज्यान जानेहरुको संख्या केही घटिरहेको बताइए पनि पछिल्ला दिनमा आएर ज्यान गुमाउनेको संख्या झनै बढेको देखिएको अधिकारीहरुले जनाएका छन् । ब्राजिलको साओ पाओलो शहरमा शुरुदेखि कोभिड संक्रमण बढी मात्रामा हुदै आएको छ ।
अमेरिकापछि सबैभन्दा बढी ब्राजिलका मानिसको कोभिड महामारीबाट ज्यान गएको छ ।
– रासस
