काठमाडाैं । प्रधानमन्त्री केपी शर्मा ओलीले मन्त्रिपरिषद् पुर्नगठन गर्नुभएकाे छ ।
प्रधानमन्त्री ओलीले जनता समाजवादी पार्टी (जसपा) लाई सरकारमा सहभागी गराउँदै १७ सदस्यीय मन्त्रिपरिषद् पुनर्गठन गर्नुभएकाे हाे । नवनियुक्त मन्त्रीहरुले पद तथा गोपनीयताको शपथ लिनुभएकाे छ । राष्ट्रपति भवन शीतल निवासमा राष्ट्रपति विद्यादेवी भण्डारीबाट शुक्रबार राति उहाँहरुले पद तथा गोपनीयताको शपथ लिनुभएकाे हाे ।
ओली नेतृत्वकाे सरकारमा ३ जना उपप्रधानमन्त्री, १२ जना मन्त्री र २ जना राज्यमन्त्री बन्नुभएकेा छ । विष्णुप्रसाद पौडेल उपप्रधानमन्त्रीमा बढुवा गर्नुभएकाे छ । रघुवीर महासेठ र राजेन्द्र महतोलाई पनि उपप्रधानमन्त्री बन्नुभएकाे छ । एमालेका अधिकांश पुराना मन्त्रीलाई हटाएर प्रधानमन्त्री ओलीले मन्त्रिपरिषद् पुर्नगठन गर्नुभएकाे हाे ।
अर्थमन्त्री विष्णु पौडेल, शिक्षा मन्त्री कृष्णगोपाल श्रेष्ठ, कानुन मन्त्री लीलानाथ श्रेष्ठ, भौतिक पूर्वाधार मन्त्री बसन्त नेम्वाङबाहेक एमालेका अरु मन्त्री पदमुक्त हुनुभएकाे छ । अर्थमन्त्री पाैडेललाई उपप्रधानमन्त्रीसहित अर्थमन्त्रीमा निरन्तरता दिइएकाे छ । ईश्वर पाेखरल उपप्रधानमन्त्रीबाट हट्नुभएकाे छ । रघुवीर महासेठ परराष्ट्र मन्त्री र शेरबहादुर तामाङलाई स्वास्थ्य तथा जनसंख्या मन्त्री बन्नुभएकाे छ । यसअघि प्रदीप ज्ञवाली परराष्ट्र र हृदयेश त्रिपाठी स्वास्थ्य मन्त्री हुनुहुन्थ्याे ।
यस्ताे छ पुनर्गठित मन्त्रिपरिषद्:
प्रधानमन्त्री केपी शर्मा ओली - रक्षा, गृह,सञ्चार, पर्यटन, कृषि, उद्योग वाणिज्य र सामान्य प्रशासन।
विष्णुप्रसाद पौडेल - उपप्रधान तथा अर्थमन्त्री
राजेन्द्र महतो - उपप्रधानमन्त्री तथा शहरी विकासमन्त्री
रघुवीर महासेठ - उपप्रधान तथा परराष्ट्रमन्त्री
शेरबहादुर तामाङ - स्वास्थ्य तथा जनसंख्या मन्त्री
कृष्णगोपाल श्रेष्ठ - मन्त्री, शिक्षा
बसन्तकुमार नेम्वाङ - मन्त्री, भौतिक पूर्वाधार तथा यातायात
लीलानाथ श्रेष्ठ - मन्त्री, कानून न्याय तथा संसदीय मामिला
शरतसिंह भण्डारी - मन्त्री, ऊर्जा
अनिल झा - मन्त्री, खानेपानी तथा सरसफाई
विमल श्रीवास्तव - श्रम तथा रोजगार
उमाशंकर अरगरिया - मन्त्री, वन तथा वातावरण
लक्ष्मणलाल कर्ण - मन्त्री, भूमि व्यवस्था
चन्दा चौधरी - मन्त्री, महिला,बालबालिका तथा ज्येष्ठ नागरिक
एकवाल मियाँ - मन्त्री, युवा तथा खेलकुद
चन्द्रकान्त चौधरी - राज्यमन्त्री, ऊर्जा
रेणुका गुरुङ - राज्यमन्त्री, महिला,बालबालिका तथा ज्येष्ठ नागरिक
