नागरिकता अध्यादेश सुनुवाइ संवैधानिक इजलासमा हुने

काठमाडौं । हालै सरकारले ल्याएको नागरिकता अध्यादेश विरुद्ध परेका रिटमा सर्वोच्च अदालतको संवैधानिक इजलासमा सुनुवाइ हुने भएको छ ।

सुनुवाइको लागि वरिष्ठ न्यायाधीश रहेको इजलास गठन भएको छ ।  प्रधानन्यायाधीश चोलेन्द्रशम्शेर जबराले गठन गर्नुभएको इजलासमा न्यायाधीश दीपककुमार कार्की, मीरा खड्का, हरिकृष्ण कार्की र ईश्वरप्रसाद खतिवडा रहनुभएको छ । उहाँहरु सबै वरिष्ठताको आधारमा इजलासमा पर्नुभएको हो ।

यस अघि प्रतिनिधि सभा विघटनको मुद्दामा गठन भएको इजलासको बारेमा प्रश्न उठेपछि प्रधानन्याधीशले यो सुनुवाइको लागि वरिष्ठताको आधारमा न्यायाधीश छनोट गर्नुभएको हो ।