काठमाडाैं । प्रधानमन्त्री एवं एमाले अध्यक्ष केपी शर्मा ओलीकाे भनाइ छ - 'कांग्रेसले पनि प्रचण्डपथ अंगिकार गर्न खोज्दै छ ।'
बालुवाटारमा आयाेजित पत्रकार सम्मेलनमा प्रधानमन्त्री ओलीले साे कुरा बताउनुभएकाे हाे । उत्तेजना र आवेशमा आएर कांग्रेस प्रचण्डपथमा लागेकाे बताउनुभयाे । उहाँले भन्नुभयाे - 'आफूलाई प्रजातन्त्रिक भन्ने कांग्रेसले समेत प्रचण्डपथ अंगिकार गर्न खाेज्याे, कब्जाकाे बाटाे राेज्ने, सरकार चलाउन नदिने र काम गर्न नदिने गाली गलाैज गर्ने शैली अपनायाे ।'
कांग्रेसका केही नेताले केपी ओलीले गराउने चुनावमा भाग नलिने बताएकाेमा उहाँले असन्तुष्टि जनाउनुभयाे । उहाँले प्रश्न गर्नुभयाे - 'केपी ओलीले गरेकाे चुनावमा भाग नलिए कसले गरेकाे चुनावमा भाग लिने ? चुनावमा नजाने कुन डेमक्रेसी र कुन लाकतान्त्रिक आचरण र अभ्यासमा पर्छ ?' आवेश र उत्तेजनाकाे राजनीति नगर्न पनि उहाँले आग्रह गर्नुभयाे ।
हिंसाबाट सत्ता कब्जा गर्न नसकेको माओवादी केन्द्रले लोकतन्त्रलाई तहस नहस पार्न खोजेको बताउँदै उहाँले भन्नुभयाे - 'हिंसालाई निरन्तरता दिन नसकेपछि शान्तिपूर्ण बाटोमा आए, हिंसाको बाटोबाट सत्ता कब्जा नभएपछि, ट्याक्टिकल मुभ (रणनीतिक चाल) बाट शान्तिपूर्ण ढंगले लोकतान्त्रिक बाटोमा आउने नीति लिएका हुन्, लोकतन्त्रलाई सिध्याउन लागिरहेका छन् ।
संवैधानिक बाटोबाट नसकेपछि बलजफती सत्ता कब्जा गर्ने र तानाशाही रुपमा सत्ता चलाउने योजना असफल भएपछि लोकतन्त्रमा आएपनि विवाद सिर्जना गरेर लोकतन्त्र नै खतरामा पार्ने काम माओवादीले गरेकाे उहाँकाे ठहर छ ।
