काठमाडौं । प्रतिनिधि सभा विघटन भएकाे छ ।
मन्त्रिपरिषद्काे सिफारिसमा राष्ट्रपति विद्यादेवी भण्डारीले शुक्रबार राति प्रतिनिधि सभा विघटन गरी कात्तिक २६ र मंसिर ३ गते दुई चरणका लागि चुनावको मिति घोषणा गर्नुभएकाे हाे ।
शुक्रबार राति बसेको मन्त्रिपरिषद् बैठकले प्रतिनिधि सभा विघटन गरी नयाँ चुनावको मिति घोषणाका लागि राष्ट्रपतिसमक्ष सिफारिस गरेको थियो । संविधानको धारा ७६ कने उपधारा ५ अनुसार सरकार गठन हुन नसकेपछि धारा ७६ को उपधारा ७ अनुसार निर्णय गर्न राष्ट्रपतिसमक्ष सिफारिस गर्ने निर्णय मन्त्रिपरिषद्ले गरेको थियो ।
यसअघि शुक्रबार मध्यराति नै राष्ट्रपति भण्डारीले संविधानको धारा ७६ को उपधारा ५ अनुसार सरकार गठनका लागि कसैले बहुमतको आधार प्रस्तुत गर्न नसकेको ठहर गर्नुभएको थियो । राष्ट्रपतिकाे ठहर लगत्तै बसेकाे मन्त्रिपरिषद् बैठकले प्रतिनिधि सभा विघटन गर्दै नयाँ चुनावको मिति दुई चरणमा ताेक्न सिफारिस गरेकाे हाे ।
