काठमाडौं । माओवादी केन्द्रका अध्यक्ष पुष्पकमल दाहाल प्रचण्डले काठमाडौंमा उपलब्ध पार्टीका केन्द्रीय सदस्य, सांसद्हरु, जनवर्गीय संगठनका सदस्यहरु, अगुवा कार्यकर्ताहरुलाई शुक्रबार बिहान पार्टी केन्द्रीय कार्यालयमा बोलाउनुभएको छ ।
प्रचण्ड निकट स्रोतका अनुसार शुक्रबारबाटै आन्दोलन गर्ने निर्णयका लागि प्रचण्डले सबैलाई बोलाउनुभएको हो । स्रोतले भन्यो– निषेधाज्ञा तोडेर भए पनि आन्दोलन गर्न सम्भव छ कि छैन भनेर बोलाइएको हो । सम्भव भएमा शुक्रबार नै भौतिक दूरी कायम गरेर विरोध प्रदर्शन गरिने छ ।
प्रधानमन्त्री केपी शर्मा ओलीले विश्वासको मत नलिएर संविधानको धारा ७६ को उपधारा ५ अनुसार सरकार गठनका लागि बाटो खोलिदिएको विरोधमा आन्दोलनको प्रयास थालिएको हो ।
