काठमाडौं । नेकपा एमालेको विवाद मिलाउन शनिबार कार्यदल गठन हुने भएको छ ।
शुक्रबार बसेको बैठकले पार्टीको विवाद समाधान गर्न कार्यदल गठन गर्ने निर्णय गरेको थियो ।
आज कार्यदल गठन गरेर आजैदेखि समस्या सामाधानको काम थालिने एमाले नेता गोकर्ण विष्टले जानकारी दिनुभयो । कार्यदल गठनको जिम्मा पार्टी अध्यक्ष एवं प्रधानमन्त्री केपी शर्मा ओली र वरिष्ट नेता माधवकुमार नेपाललाई दिइएको छ ।
आज दुई नेता बसेर कार्यदलमा रहने नेताको नाम तय गर्नुहुने छ । कार्यदल कतिजनाको बनाउने तथा कसको नेतृत्वमा बनाउने भन्ने तय नभएकोले त्यस बारेमा दुई नेताले छलफल गरेर निर्णय गर्ने विष्टले बताउनुभयो ।
हिजो भएको छलफलमा पार्टीको विवाद समाधानको लागि एक कार्यदल बनाउने र २०७५ जेठ २ को वरिपरीबाटै समाधान खोजिने सहमति भएको थियो ।
-आइएनए न्युज एजेन्सी
