काठमाडौं । स्वास्थ्यकर्मी एवं चिकित्सकलाई सरकारले बिदा नदिने भएको छ ।
मंगलबार स्वास्थ्य मन्त्रालयको सचिवस्तरीय बैठकले अस्पतालमा सेवा लिन आउने बिरामीको प्रभावकारी व्यवस्थापन र उपचारका लागि सो निर्णय गरेको हो । बैठकले बिदामा बसेका कर्मचारीहरुलाई तुरुन्त कार्यालयमा हाजिर हुन पनि निर्देशन दिएको छ ।
हाल रहेका कर्मचारी मध्ये ५० प्रतिशतको पालो निर्धारण गरी सेवा दिने व्यवस्था पनि बैठकले मिलाएको छ । अस्पतालको दरबन्दी अनाुसार कुनै पद रिक्त भए तत्काल नै जनशक्ति व्यवस्थापन गर्ने निर्णय पनि आजको बैठकमा भएको छ । ६ महिनाको करार सेवामा कर्मचारी भर्ना गर्ने व्यवस्था मिलाइने बैठकले तय गरेको छ ।
-आइएनए न्युज एजेन्सी
