काठमाडौं । प्रधानमन्त्री एवं एमाले अध्यक्ष केपी शर्मा ओली र निलम्बित नेता माधवकुमार नेपालबीच आज पनि छलफल भएको छ ।
नक्सालस्थित मेरियट होटलमा अहिले प्रधानमन्त्री ओली र नेपालबीच आजपनि ‘एक्ला–एक्लै’ वार्ता भएकाे हाे । उहाँहरुबीचकाे वार्ता सकिएकाे छ ।उहाँहरुबीच पछिल्लाे राजनीतिक घटनाक्रम लगायत विषयमा छलफल भएकाे बताइएकाे छ ।
बुधबार साँझ पनि प्रधानमन्त्री ओली र नेपालबीच मेरियटमै दुई घण्टा छलफल भएको थियो । बुधबारकै भेटको निरन्तरतास्वरुप बिहीबार पनि उहाँहरुबीच छलफल भएको हो ।
स्रोतका अनुसार बुधबार अध्यक्ष ओलीले पार्टी हितविपरित गतिविधि रोकेर एमालेमै फर्कन आग्रह गर्नुभएको थियो । एमालेलाई एक ढिक्का बनाएर लैजानका लागि आफूले काम गरिरहेको भन्दै ओलीले सच्चिएर पार्टीमा फर्किए उचित स्थान दिइने बताउनु भएको थियो ।
-आइएनए न्युज एजेन्सी
