प्रम ओली र माधव नेपाल बीच भेटको औपचारिक पुष्टि

काठमाडौं । प्रधानमन्त्री तथा नेकपा एमालेका अध्यक्ष केपी शर्मा ओली र एमालेका निलम्वित नेता माधवकुमार नेपाल बीच भेट भएको औपचारिक पुष्टि भएको छ ।

प्रधानमन्त्रीको सचिवालयले उहाँहरु बीचको भेटको तस्विर सार्वजनिक गरेको छ । उहाँहरु बीच काठमाडौंको मेरियट होटलको कोठा नम्बर १०१ मा आज साँझ भेटवार्ता भएको थियो ।

भेटवार्ताको जानकारी अनौपचारिक रुपमा मात्र दिइएको थियो । भेटघाट सकिएपछि प्रधानमन्त्रीको सचिवालयले दुई नेताको भलाकुसारीको फोटो नै सार्वजनिक गरेको हो ।

-आइएनए न्युज एजेन्सी