काठमाडौं । गण्डकी प्रदेशमा माओवादीका दुईजना मन्त्रीले राजीनामा दिनुभएको छ । आन्तरिक मामिला मन्त्री हरिबहादुर चुमान र भूमि व्यवस्था तथा कृषि मन्त्री लेखबहादुर मगरले राजीनामा दिनुभएको हो ।
चुमान माओवादी संसदीय दलका नेतासमेत हुनुहुन्छ । दुवै जनाले मुख्यमन्त्री पृथ्वी सुब्बा गुरुङलाई राजीनामा बुझाउनु भएको हो । उहाँहरुले तीन वर्षसम्म सरकारमा रहँदाको साथ र सहयोगका लागि मुख्यमन्त्री गुरुङलाई आभार व्यक्त गर्नुभएको छ ।
बुधबार बिहान बसेको आज माओवादीको संसदीय दलको बैठकले आफ्ना मन्त्रीलाई फिर्ता बोलाउने निर्णय गरेको थियो । मन्त्री फिर्ता बोलाए पनि माओवादीले सरकारलाई दिई आएको समर्थन भने फिर्ता लिएको छैन । माओवादीका एक सांसद्ले भने– चाँडै समर्थन फिर्ता लिन्छौं ।
-आइएनए न्युज एजेन्सी
