काठमाडौं । प्रधानमन्त्री केपी शर्मा ओलीले १ सय ६५ वटा सडक सञ्जाल निर्माणकाे एकैपटक शुभारम्भ गर्नुभएकाे छ ।
प्रधानमन्त्री निवास बालुवाटारमा शनिबार आयाेजित निर्वाचन क्षेत्र रणनीतिक सडक कार्यक्रम अन्तरगत सबै संघीय निर्वाचन क्षेत्रमा एक-एक वटाका दरले सडक निर्माणकाे शुभारम्भ गर्नुभएको हो ।
प्रधानमन्त्री ओलीले स्विच थिचेर एकैपटक ती सडक निर्माणकाे शुभारम्भ गर्नुभएकाे हाे ।
सडक तीन वर्ष भित्र निर्माण सम्पन्न हुने लक्ष्य राखिएको छ । ‘निर्वाचन क्षेत्र रणनीतिक सडक’ कार्यक्रम अन्तर्गत प्रत्यक्ष निर्वाचित सांसद्हरुले सिफारिसमा सडक तय गरिएको हो ।
सडकको कुल लागत ५७ अर्ब १० करोड रुपैयाँ अनुमान गरिएको छ ।
-आईएनए न्युज एजेन्सी
