काठमाडाैं । राष्ट्रपति रामचन्द्र पौडेलले निष्क्रिय रहेको नागरिकता विधेयक प्रमाणीकरण गरेको विरोधमा नेकपा एमाले निकट विद्यार्थी संगठन अखिल नेपाल स्वतन्त्र विद्यार्थी युनियन (अनेरास्ववियु)ले आज शुक्रबार रत्नपार्कमा प्रदर्शन गरेकाे छ । 

भिडियाे: 

बिहिबार अध्यक्ष समिक बडालले एक विज्ञप्ति जारी गर्दै तीन दिने दैनिक प्रदर्शनकाे कार्यक्रम घाेषणा गर्नुभएकाे थियाे । साेहि अनुरुप आज राष्ट्रपति र प्रधानमन्त्रीकाे बुख्याँचामा जुत्ता प्रहार गरेकाे हाे ।

प्रदर्शनका क्रममा रत्नपार्कमा केहिबेर अनेरास्ववियुका नेता कार्यकर्ता र सुरक्षाकर्मीबीच घम्साघम्सी परेकाे थियाे । अनेरास्ववियुका नेता तथा कार्यकर्ताले राष्ट्रपति र प्रधानमन्त्रीकाे फाेटाे जलाएर विराेध गर्न थालेपछि आन्दाेलनमा प्रहरीले हस्तक्षेप गर्न खाेजेकाे थियाे ।

साे क्रममा अनेरास्ववियुका नेता तथा कार्यकर्ताले राष्ट्रपति र प्रधानमन्त्रीकाे  फाेटाे समेत जलाएका थिए । 

प्रदर्शन पछि भएकाे काेणसभालाई सम्बाेधन गर्दै अध्यक्ष बडालले संविधान विपरित राष्ट्रपति रामचन्द्र पाैडेलले नागरिकता विधेयक प्रमाणीकरण गरेकाे र प्रधानमन्त्री प्रचण्ड नागरिकता विधेयक भारतकाे पाउमा राख्न भारत जानुभएकाे बताउनुभयाे । उहाँले प्रचण्ड आफ्नाे पाप पखाल्न भरतका शक्त्रिपिठ पुग्नुभएकाे थियाे । पाप  पखाल्न प्रधानमन्त्रीकाे कुर्सी छाेड्न र राष्ट्रप्रेमी नेतालाई दिन बडालले आग्रह गर्नुभएकाे छ । 'कतै पाप पखाल्न सकिन्छ कि भनेर प्रचण्ड भारतका शक्तिपिठहरु धाउँदैछन् रे ! हामी भन्न चाहान्छाैं कुनै शक्तिपिठ धाएर तिम्रा पाप पखालिने खालका छैनन्' बडालले भन्नुभयाे ।

'नागरिकता विधेयकमा भएकाे एउटा हातमा सिन्दूर र अर्काे हातमा नागरिकता खारेज हुनुपर्ने उहाँले बताउनुभयाे । 'यस्ताे बुँदा खारेज नगरेसम्म अनेरास्ववियुले सडक छाड्ने छैन' बडालले भन्नुभयाे- 'विद्यार्थीले स्कुलमा दिवा खाजा १५ रुपैयाँकाे मात्र खानुपर्ने स्थिति छ, तर, हाम्रा जनप्रतिनिधिहरु सांसद् विकास काेषबाट भुँडी भर्न चाहान्छन्, बरु त्याे काेष दिवा खाजामा लगाउन अपिल गर्न चाहान्छाैं ।'