काठमाडौं । काठमाडौं महानगरपालिका–३२ कोटेश्वरस्थित नरेफाँटमा मोटरसाइकल वर्कसपमा काम गर्ने सफरे आलमलाई प्रहरीले पक्राउ गरेको छ ।

रौतहटको सिपरा बजार स्थायी घर भएका आलमले मंगलबार साँझ सात वर्षीया बालिकालाई यौन दुर्व्यवहार गरेको अभियोगमा उनलाई नियन्त्रणमा लिइएको महानगरीय प्रहरी प्रभाग कोटेश्वरले जनाएको छ ।

वर्कसप नजिकै बस्ने बालिकाले सफारे आलमलाई ‘अंकल’ भन्ने गर्थिन् । वर्कसपमा कोही नभएको मौका पारेर उनले बालिकालाई बोलाएर यौन दुर्व्यवहार गरेको बताइएको छ । घटनाबारे थप अनुसन्धान भइरहेको प्रहरीले जनाएको छ ।