काठमाडौं । आफ्नै कार्यालय अगाडि ड्युटीमा खटिएका बेला प्रहरी सहायक निरीक्षक (असई) तेजबहादुर गुरुङले असामयिक मृत्यु वरण गर्नुपरेको छ । 

शुक्रबार दिउँसो काभ्रेको साँगा प्रहरी चौकी अगाडि ड्युटीमा रहेका बेला तेजबहादुरलाई एक बोलेरो जिपले हान्यो । काठमाडौंबाट बनेपा गइरहेको बा १९ च १३२३ बोलेरो जिपले हानेपछि तेजबहादुरको घटनास्थलमै निधन भएको हो ।

लापरवाही पूर्वक जिप चलाएर तेजबहादुरको ज्यान लिएका बोलेरो जिपका चालक विक्रम जाटिजारलाई प्रहरीले नियन्त्रणमा लिएको छ ।