महोत्तर ।  महोत्तरीको जलेश्वर कारागारमा एक जना कैदीको ज्यान गएको छ । ज्यान गुमाउनेमा धनुषाको बटेश्वर गाउँपालिका १ कार्तिकुमरका ५६ वर्षीय जोगेन्द्र महरा रहेका छन् । 

महराले राती १२ बजेतिर आफूलाई पेट दुखेको जानकारी गराएका थिए । कारागारमै रहेको चिकित्सकले उहाँले अस्पताल लैजान सुझाव दिएपछि महरालाई जलेश्वर अस्पताल लगिएको थियो । 

अस्पतालमा उहाँको २ बजे ज्यान गएको जलेश्वर कारागारका सूचना अधिकारी रबिन ठाकुरले जानकारी दिनुभयाे । उहाँले महराको परिवारजन अस्पताल आइसकेको र मुचुल्का गरी पोस्टमार्टमको तयारी भइरहेको जानकारी दिनुभयाे । पोस्टमार्टम रिपोर्ट आएपछि  ज्यान गुमाउनुको कारण खुल्ने सूचना अधिकारी ठाकुरले जानकारी दिनुभयाे ।

मृतक महरा आगजनी घटनामा दोषी ठहर भएका थिए । उहाँलाई प्रहरीले  २०८० को  जेठ २८ गते प्रकाउ  गरेको  थियो । यसैगरी महरा २०८० साउन १६ गतेदेखि सजाय भुत्तान गर्न कारागार चलान भएका थिए । उहाँ २०८३  असार २७ गते कैद मुक्त हुने भनिएकोमा उहाँको आज ज्यान गएको हो ।