रुकुम पूर्वमा पहिरोले पुरिएर एक जनाको ज्यान गयो, तीन गम्भीर घाइते
काठमाडौं । रुकुम पूर्वमा पहिरोमा पुरिएर एक जनाको ज्यान गएको छ ।
सिस्ने गाउँपालिका–२, दल्लुगैरामा गए राति पहिरोले बगाउँदा गोठमा सुतिरहेका ११ वर्षीय सरगम बुढाको ज्यान गएको प्रहरीले जनाएको छ ।
स्थानीय कर्णबहादुर बुढाको परिवारका चारजना सुतेको गोड पहिरोले बगाएको थियो । पहिरोमा परेका तीन जनाको अवस्था पनि गम्भीर रहेको छ ।
पहिरोमा परी बालकका बुवा ४० वर्षीय कर्णबहादुर बुढा, आमा ३८ वर्षीया गम्मा बुढा र बहिनी नौ वर्षीया तिलसरा बुढा गम्भीर घाइते भएका छन् । उनीहरूलाई उपचारका लागि रुकुमकोट पठाइएको छ ।
प्रतिकृया दिनुहोस