काठमाडाैं । साविक विजेता बंगलादेश काठमाडाैंमा जारी साफ महिला च्याम्पियनसिपको सेमिफाइनल प्रवेश गरेको छ ।

त्रिपुरेश्वरस्थित दशरथ रंगशालामा बुधबार भएकाे खेलमा भारतलाई ३-१ गाेल अन्तरले पराजित गर्दै बंगलादेश समूह विजेताका रुपमा सेमिफाइनल पुगेकाे हाे ।

बंगलादेशकाे जितमा तोहुरा खातुनले २ र अफिदा खान्दाकरले १ गोल गरिन् । भारतका लागि बाला देवीले १ फर्काइन् ।

समूह 'ए' मा बंगलादेश ४ अंकसहित समूह विजेता बन्दा भारत ३ अंकसहित उपविजेता बनेर सेमिफाइनल पुगेकाे छ । पहिलो खेलमा बंगलादेशले पाकिस्तानसँग १-१ गोलको बराबरी खेलेको थियो भने भारतले पाकिस्तानलाई ५-२ गोल अन्तरले हराएको थियो । २ खेलबाट १ अंक जोडेको पाकिस्तान भने प्रतियोगिताबाट बाहिरिएकाे छ ।