काठमाडौं । तनहुँको ब्यास नगरपालिका–७ बस्ने पाँच वर्षीया बालिका बलात्कृत भएकी छिन् । 

बालिका बलात्कार गरेको अभियोगमा ब्यास–७ तल्लो नरङ्गा बस्ने १९ वर्षीय नवीन थापा मगरलाई प्रहरीले पक्रनउ गरेकाे छ । 

नवीनले ती बालिकालाई मकैबारीमा लगेर बलात्कार गरेको जिल्ला प्रहरी कार्यालय तनहुँले जनाएको छ । 

यसैबीच, बर्दियाको बारबर्दिया नगरपालिका–४ बस्ने १४ वर्षीया बालिकालाई बलात्कार गरेको अभियोगमा स्थानीय रमेश थारुलाई प्रहरीले पक्राउ गरेको छ । 
४२ वर्षीय थारुले ती किशोरीलाई मंगलबार जबर्जस्ती करणी गरेको प्रहरीले जनाएको छ । 

दुवै घटनाबारे अनुसन्धान भइरहेको बताइएको छ ।