काठमाडौं । उच्च अदालत पाटनबाट प्रहरी नियन्त्रणमा रहेका एक थुनुवा भागेका छन् ।

बुधवार मुद्धाको सुनुवाईका लागि उच्च अदालत लगिएका थुनुवा रामबाेल खड्का फरार भएका हुन् । बैंकिङ कसुरमा पक्राउ परेका उनलाई महानगरीय प्रहरी वृत सिंहदरबारले म्याद थप्‍न अदालत लगेकाे थियो । 

साँझ पाँच बजे ‘शौचालय जान्छु’ भन्दै हिँडेका खड्काले प्रहरीको आँखा छलेर अदालतको गेट पार गरेका थिए । 

थुनुवा भागेको पुष्टि गर्दै काठमाडौं प्रहरी प्रवक्ता (डिएसपी) होविन्द्र बोगटीले उनको खोजी भइरहेको सनराइजख बरलाई बताए ।

हतकडी लगाइएका उनी कसरी भागे भन्‍ने अनुसन्धान भइरहेकाे छ ।

दुई दिन अघि ललितपुर प्रहरीकाे हिरासतबाट दुई जना फरार भएका थिए । तर उनीहरुलाई पक्राउ गरिएको छ ।