काठमाडौं । नख्खु बम विष्फोटमा संलग्न भएको आशंकामा प्रहरीले ६ जनालाई पक्राउ गरेको छ । 

उनीहरुको परिचय खुलाइएको छैन तर प्रहरी स्रोतका अनुसार उनीहरुमध्ये केहीले आफूहरु नेत्रविक्रम चन्द समूहसँग आफू आवद्ध भएको वयान दिएका छन् । 

नख्खु क्षेत्रका सडकमा राखिएको तथा एनसले कार्यालयमा रहेको सिसी टिभी फुटेजको अध्ययन प्रहरीले थालेको छ । फुटेज अध्ययनको आधारमा उनीहरुलाई पक्राउ गरिएको हो या अन्य सुराकीको आधारमा हो भन्ने खुलेको छैन । 

नख्खु वम विष्फोटमा परी सिंहप्रसाद गुरुङको निधन भएको छ भने दुई जना गम्भीर घाइते छन् । घाइतेहरुको ललितपुर स्थित मेडिसिटी अस्पतालमा उपचार भइरहेछ । 

शुक्रबार साँझ नख्खु स्थित एनसेल कार्यालय अगाडि वम विष्फोट भएको थियो । त्यसैगरी शुक्रबार एनसेलका दर्जन भन्दा धेरै ठाउँका टावरमा आगजनी गरिएको थियो ।