हुम्लामा स्काभेटर दुर्घटना, दुई जनाको ज्यान गयो
काठमाडौं । हुम्लाको चंखेली गाउँपालिका–२ लोतीमा स्काभेटर दुर्घटना हुँदा दुई जनाको ज्यान गएको छ ।
२०३–००१ क ९७५ को स्काभेटर सडकबाट करिब एक सय मिटर तल खस्दा चंखेली गाउँपालिका–२ का ४५ वर्षीय परबल कामी र ३१ वर्षीय अर्जुन कामीको ज्यान गएको हो ।
दुर्घटनामा परेका स्काभेटर चालकको अवस्था सामान्य रहेको र अनुसन्धानका लागि नियन्त्रणमा लिइएको प्रहरीले जनाएको छ । घटनास्थल मिमी प्रहरी चौकीदेखि करिब एक घण्टा र मेल्छाम प्रहरी चौकीदेखि करिब ३० मिनेटको दुरीमा रहेको प्रहरीले जनाएको छ ।
प्रतिकृया दिनुहोस