काठमाडौं । सप्तरीको कञ्चनरुप नगरपालिका–४ स्थित त्रियुगा नदीमा डुबेर आइतबार दुई बालिकाको ज्यान गएको छ । 

नदीले बगाउँदा अर्का एकजना बेपत्ता भएका छन् । 

नदीमा डुबेर स्थानीय श्रवण महतोकी नौ वर्षीया छोरी प्रतिभा महतो र सुरेश सदाकी आठ वर्षीया छोरी जितनी सदाको नदीमा डुबेर ज्यान गएको जिल्ला प्रहरी कार्यालय सप्तरीले जनाएको छ । 

कञ्चनरुप नगरपालिका–४ जगतपुरस्थित धनकुटामा रहेको त्रियुगा नदीमा नुहाउने क्रममा तीन बालिका डुबे थिए । नदीमा डुबेकी आठ वर्षीया काजल खंग अझै बेपत्ता छिन् । बेपत्ता बालिकाको खोजीकार्य जारी छ ।