अर्घाखाँचीमा खोलाले बगाउँदा दुई युवाको ज्यान गयो
काठमाडौं । अर्घाखाँचीको शितगंगा नगरपालिका–१३ सिमलपानीको छहरामा खोलाले बगाउँदा दुई युवाको ज्यान गएको छ ।
फोटो खिच्ने क्रममा खोलामा बाढी आउँदा उनीहरूलाई बगाएको हो । बाढीले बगाएर कपिलवस्तुको बाणगंगा–२ का २३ वर्षीय किशोर रास्कोटी २९ वर्षीय उमेश पौडेल बेपत्ता भएकामा खोजीको क्रममा उनीहरूको शव फेला परेको छ ।
मंगलबार दिउँसो घुम्न निस्किएका चार जना झरनामा फोटो खिचाउन पुगेका थिए । झरनाले चारै जनालाई बगाएको भए पनि दुई जना भने बाँच्न सफल भएका छन् । पौडेलको शव ५ सय मिटर र रास्कोटीको एक किलोमिटर तल भेटिएको प्रहरीले जनाएको छ ।
प्रतिकृया दिनुहोस