बागलुङमा पहिरोले घर पुर्दा एकजनाको ज्यान गयो
काठमाडौं । बागलुङमा पहिरोले घर पुर्दा एकजनाको ज्यान गएको छ ।
वर्षाका कारण आएको पहिरोले घर पुरिँदा बागलुङ नगरपालिका–७ तितौरेका ५५ वर्षीया खिलकुमारी शर्माको ज्यान गएको प्रहरीले जनाएको छ । गए राति पहिरोमा पुरिएर उहाँको ज्यान गएको हो ।
एक्लै बस्दै आउनुभएका शर्माको घर गए राति आएको पहिरोले पुरेको थियो । आज बिहान छिमेकीले थाहा पाएपछि प्रहरी र जनप्रतिनिधिलाई खबर गरेका थिए ।
प्रतिकृया दिनुहोस